മഅ്ദനി ഹൈകോടതിയില്‍ ജാമ്യാപേക്ഷ സമര്‍പ്പിച്ചു
ബംഗളൂരു: ബംഗളൂരു സ്‌ഫോടന പരമ്പരക്കേസില്‍ അറസ്റ്റിലായ പി.ഡി.പി ചെയര്‍മാന്‍ അബ്ദുന്നാസിര്‍ മഅ്ദനി കര്‍ണാടക ഹൈകോടതിയില്‍ ജാമ്യാപേക്ഷ സമര്‍പ്പിച്ചു. സ്‌ഫോടനക്കേസില്‍ തന്നെ ഉള്‍പ്പെടുത്തുന്നതിന് മതിയായ തെളിവില്ലെന്ന് ചൂണ്ടിക്കാട്ടിയാണ് മഅ്ദനി ജാമ്യാപേക്ഷ സമര്‍പ്പിച്ചതെന്ന് അദ്ദേഹത്തിന്റെ അഭിഭാഷകന്‍ അഡ്വ. പി. ഉസ്മാന്‍ പറഞ്ഞു. രണ്ടു ദിവസത്തിനകം ജാമ്യാപേക്ഷ വാദത്തിന് വരും. ആഗസ്റ്റ് 17ന് അറസ്റ്റിലായ മഅ്ദനിയെ നാല് മാസത്തോളം ചോദ്യം ചെയ്തിട്ടും പ്രോസിക്യൂഷന് സ്‌ഫോടനക്കേസില്‍ മഅ്ദനിക്കെതിരെ തെളിവ് കണ്ടെത്താന്‍ കഴിഞ്ഞിട്ടില്ലെന്ന് ജാമ്യാപേക്ഷയില്‍ ചൂണ്ടിക്കാട്ടി. പൊലീസ് അന്വേഷണം പൂര്‍ത്തിയാക്കി കേസ് വിചാരണ കോടതിക്ക് കൈമാറിയതിനാല്‍ കൂടുതല്‍ അന്വേഷണത്തിനോ ചോദ്യം ചെയ്യുന്നതിനോ മഅ്ദനിയെ ഇനിയും കസ്റ്റഡിയില്‍ വെക്കേണ്ട ആവശ്യമില്ലെന്നും ജാമ്യാപേക്ഷയില്‍ പറയുന്നു.
മഅ്ദനിയുടെ ജാമ്യപേക്ഷ സെപ്റ്റംബര്‍ 13ന് ബംഗളൂരു അഞ്ചാം അതിവേഗ സെഷന്‍സ് കോടതി തളളിയിരുന്നു. ഡിസംബര്‍ മൂന്നിനാണ് ബംഗളൂരു ഒന്നാം അഡീഷനല്‍ ചീഫ് മെട്രോപൊളിറ്റന്‍ മജിസ്‌ട്രേറ്റ് കോടതി സ്‌ഫോടനക്കേസ് വിചാരണക്കായി സെഷന്‍സ് കോടതിക്ക് കൈമാറിയത്. വിചാരണ ഒരുമാസത്തിനകം തുടങ്ങുമെന്നാണറിയുന്നത്. അറസ്റ്റിലായ ശേഷം മഅ്ദനി 10 ദിവസം പൊലീസ് കസ്റ്റഡിയിലായിരുന്നു. തുടര്‍ന്ന് ജുഡീഷ്യല്‍ കസ്റ്റഡിയില്‍ പരപ്പന അഗ്രഹാര സെന്‍ട്രല്‍ ജയിലില്‍ കഴിയുകയാണ്
അബ്ദുല്‍ നാസ്സര്‍ മഅദനിയെ ഉടന്‍ മോചിപ്പിക്കണം : ഓള്‍ ഇന്ത്യാ മില്ലി കൌണ്‍സില്‍
മഞ്ചേരി : കള്ളക്കേസ്സില്‍ പെടുത്തി ബംഗ്ലൂര്‍ ജയിലിലടച്ച പി.ഡി.പി.ചെയര്‍മാന്‍ അബ്ദുല്‍ നാസ്സര്‍ മഅദനിയെ ഉടന്‍ മോചിപ്പിക്കണമെന്ന് ഓള്‍ ഇന്ത്യ മില്ലി കൌണ്‍സില്‍ പതിനാലാം ദേശീയ കണ്‍വെന്ഷന്‍ പ്രമേയത്തിലൂടെ കര്‍ണ്ണാടക സര്‍ക്കാരിനോടാവശ്യപ്പെട്ടു.ബംഗ്ലൂര്‍ സ്ഫോടനത്തിന്റെ പേരില്‍ വ്യാജ കേസ് ചുമത്തിയാണ് അദ്ദേഹത്തെ തുറുന്കിലടച്ചത്‌ .ആര്‍.എഎസ്.എസിന്റെയും ശ്രീരാമ സേനയുടെയും ന്യൂനപക്ഷ വിരുദ്ധ നീക്കങ്ങളെ സംരക്ഷിക്കാനും അഴിമതിയില്‍ മുങ്ങിയ ഭരണത്തിന്റെ കെടുകാര്യസ്ഥത മറച്ചുവെക്കാനുമാണ് കര്‍ണ്ണാടക സ്ഫോടനത്തിന്റെ പേരിലുള്ള മുസ്ലിം വേട്ട.മുമ്പ് ഇതുപോലെ കെട്ടിച്ചമച്ച കേസ്സില്‍ ഒമ്പത് വര്‍ഷക്കാലം കോയമ്പത്തൂര്‍ ജയിലില്‍ പീഡനമനുഭവിക്കേണ്ടി വന്ന അദ്ദേഹത്തിന് വേണ്ടി ഒടുവില്‍ കേരള നിയമസഭ പോലും ഐക്യത്തോടെ ആവശ്യപ്പെടുകയുണ്ടായി. നീണ്ട നിയമയുധതിനോടുവിലാണ് അദ്ധേഹത്തിന്റെ മോചനം സാധ്യമായത്. മുഴുവന്‍ സംഘടനകളും മനുഷ്യാവകാശ പ്രവര്‍ത്തകരും നേതാക്കളും മഅദനിയുടെ മോചനത്തിന് വേണ്ടി കര്‍ണ്ണാടക സര്‍ക്കാരില്‍ സമ്മര്‍ദ്ദം ചെലുതനമെന്നും മില്ലി കൌണ്‍സില്‍ ആവശ്യപ്പെട്ടു.
No comments:
Post a Comment