പി.ഡി.പി വാഹനപ്രചാരണജാഥയ്ക്ക് ഇന്നുതുടക്കം
Posted on: 26 Nov 2010
മലപ്പുറം: പി.ഡി.പിയുടെ നേതൃത്വത്തില്‍ഡിസംബര്‍ ഒന്നിന് മലപ്പുറം ദൂരദര്‍ശന്‍ കേന്ദ്രത്തിലേക്ക് നടക്കുന്ന ബഹുജനമാര്‍ച്ചിന്റെ പ്രചാരണാര്‍ഥം സംഘടിപ്പിക്കുന്ന വാഹനപ്രചാരണ ജാഥയ്ക്ക് 26ന് തുടക്കമാകും. വഴിക്കടവില്‍ രാവിലെ പത്തിന് പി.ഡി.പി. ജില്ലാപ്രസിഡന്റ് ബാപ്പു പുത്തനത്താണി ഉദ്ഘാടനംചെയ്യും. ജില്ലയിലെ വിവിധ കേന്ദ്രങ്ങളിലെ സ്വീകരണങ്ങള്‍ക്കുശേഷം 30ന് പൊന്നാനിയില്‍ സമാപിക്കും.
പി.ഡി.പി. കമ്മിറ്റി യോഗം
Posted on: 26 Nov 2010
കാസര്‍കോട്: പി.ഡി.പി. നഗരസഭാ കമ്മിറ്റി യോഗം ജില്ലാ സെക്രട്ടറി യൂനുസ് തളങ്കര ഉദ്ഘാടനം ചെയ്തു. അഷറഫ് ബെദിര അധ്യക്ഷനായി. പി.യു. അബ്ദുറഹിമാന്‍, ആരിഫ്, അഹ്മദ്, മൂസ എന്നിവര്‍ സംസാരിച്ചു. അബ്ദുല്ല സ്വാഗതവും റഫീഖ് നന്ദിയും പറഞ്ഞു.
പി.ഡി.പി. നേതാക്കള്‍ക്കെതിരെ നടപടിക്ക് ശുപാര്‍ശചെയ്തു
Posted on: 26 Nov 2010
തൃശ്ശൂര്‍: പാര്‍ട്ടിവിരുദ്ധ പ്രവര്‍ത്തനങ്ങള്‍ക്ക് സംസ്ഥാന സെക്രട്ടറി മുഹമ്മദ്കുട്ടി കേച്ചേരി, സെക്രട്ടേറിയറ്റ് അംഗം മുഹമ്മദ് ചാമക്കാല, ജില്ലാ സെക്രട്ടറി അബൂബക്കര്‍ കരുവന്നൂര്‍ എന്നിവര്‍ക്കെതിരെ നടപടിയെടുക്കാന്‍ ചെയര്‍മാനോട് ശുപാര്‍ശ ചെയ്തതായി പി.ഡി.പി. ഭാരവാഹികള്‍ പത്രസമ്മേളനത്തില്‍ അറിയിച്ചു.
ജില്ലാ ജനറല്‍ സെക്രട്ടറി അബൂബക്കര്‍ കരുവന്നൂരിനെ മാറ്റി ജില്ലാ കമ്മിറ്റി പുനഃസംഘടിപ്പിച്ചു. കടലായി സലിം മൗലവിയാണ് പുതിയ ജില്ലാ സെക്രട്ടറി. മറ്റു ഭാരവാഹികള്‍: ഉമ്മര്‍ഹാജി തെരുവത്ത് (പ്രസി.), സലിം തളിക്കുളം, മജീദ് മുല്ലക്കര (ജോ. സെക്ര.), മജീദ് ചേര്‍പ്പ്, ഹുസൈന്‍ കൊടകര (വൈസ്പ്രസി.), അബ്ദുള്‍ഖാദിര്‍ ഹാജി കൊട്ടാരക്കര (ട്രഷ.).
പത്രസമ്മേളനത്തില്‍ ഉമ്മര്‍ഹാജി തെരുവത്ത്, കടലായി സലിംമൗലവി, സലിം തളിക്കുളം, മജീദ് മുല്ലക്കര, മജീദ് ചേര്‍പ്പ് എന്നിവര്‍ പങ്കെടുത്തു.
No comments:
Post a Comment