ഐസ്‌ക്രീം കേസ് പുനരന്വേഷണം നടത്തണം -പി.സി.എഫ്
റിയാദ്: മുസ്‌ലിം ലീഗ് നേതാവ് പി.കെ. കുഞ്ഞാലിക്കുട്ടി ഉള്‍പ്പെട്ട കോഴിക്കോട് ഐസ്‌ക്രീം പാര്‍ലര്‍ പെണ്‍വാണിഭ കേസ് പുനരന്വേഷണം നടത്തണമെന്ന് പി.സി.എഫ് റിയാദ് സെന്‍ട്രല്‍ കമ്മിറ്റി ആവശ്യപ്പെട്ടു. കേസ് ഒതുക്കി തീര്‍ക്കാന്‍ സി.ടി. അഹമ്മദലിയുടെ വസതിയില്‍ പി. ശശിക്ക് അത്താഴ വിരുന്നൊരുക്കിയതിനെ കുറിച്ചും അന്വേഷിക്കണം. മഅ്ദനിയെ കോയമ്പത്തൂര്‍ കേസില്‍ കുടുക്കാന്‍ അവിടെ വെച്ച് ഗൂഢാലോചന നടത്തിയതായി സംശയിക്കുന്നതായും പി.സി.എഫ് ആരോപിച്ചു. മഅ്ദനിയെ അറസ്റ്റ് ചെയ്തപ്പോള്‍ അദ്ദേഹത്തിന്റെ വീട്ടില്‍ നിന്ന് കാണാത ഫയലുകള്‍ കണ്ടെത്തണം. കുഞ്ഞാലിക്കുട്ടിക്കെതിരെ മുഖ്യമന്ത്രി ആരോപിച്ച കള്ളപ്പണത്തെ കുറിച്ച് അന്വേഷണം നടത്തി നിജസ്ഥിതി പുറത്തു കൊണ്ടുവരണമെന്നും പി.സി.എഫ് റിയാദ് സെന്‍ട്രല്‍ കമ്മിറ്റി ആവശ്യപ്പെട്ടു.
യോഗത്തില്‍ സൈഫുദ്ദീന്‍ തണ്ടാശ്ശേരി അധ്യക്ഷത വഹിച്ചു. അബ്ദുസലാം അല്‍ഹന, ഗഫൂര്‍ സംസം, അന്‍സാരി കൊട്ടാരക്കര, സമീര്‍ കുറ്റിച്ചല്‍, യൂനുസ് മലപ്പുറം, കെ.ഇ. ഷാജഹാന്‍ ശാസ്താംകോട്ട എന്നിവര്‍ സംസാരിച്ചു. അബ്ദുല്‍ അസീസ് തേവലക്കര സ്വാഗതവും അനസ് തൊടിയൂര്‍ നന്ദിയും പറഞ്ഞു.
കുഞ്ഞാലിക്കുട്ടിക്കെതിരായ പരാതികള്‍ പുനരന്വോഷിക്കണം: പി.സി.എഫ്
ദോഹ: മുസ്‌ലിംലീഗ് സംസ്ഥാന ജനറല്‍ സെക്രട്ടറി പി.കെ കുഞ്ഞാലിക്കുട്ടിയുടെ പേര് പരാമര്‍ശിച്ച മുഴുവന്‍ കേസുകളും പുനരന്വോഷിക്കണമെന്ന് പീപ്പിള്‍സ് കള്‍ച്ചറല്‍ ഫോറം ഖത്തര്‍ എക്‌സിക്യുട്ടീവ് കമ്മറ്റി ആവശ്യപ്പെട്ടു. ഐസ്‌ക്രീം കേസ്, ഗള്‍ഫ് നാടുകളിലെ ബിനാമി ഇടപാട്, പാക്കിസ്ഥാനില്‍ നിന്നുളള കളളനോട്ട് ശ്യംഖല, മാറാട് സംഭവത്തിലെ രാഷ്ട്രീയ ഇടപെടല്‍ തുടങ്ങിയവ അന്വേഷണപരിധിയില്‍ കൊണ്ടുവരണം. അടവ് രാഷ്ട്രീയത്തിന്റെ മറവില്‍ കുഞ്ഞാലിക്കുട്ടിക്കെതിരെ നടപടി സ്വീകരിക്കാതിരുന്ന ഇടത് സര്‍ക്കാര്‍ നിലപാട് തികഞ്ഞ പാപ്പരത്തമാണെന്നും കമ്മിറ്റി അഭിപ്രായപ്പെട്ടു. നിരപരാധിയായ മഅ്ദനിയെ ജയിലിലടക്കുകയും പണവും രാഷ്ട്രീയ സ്വാധീനവും ഉളളവര്‍ ജുഡീഷ്യറിയെ പോലും അട്ടിമറിക്കുകയും ചെയ്യുമ്പോള്‍ സാധാരണക്കാരന്റെ ജീവനും സ്വത്തിനും ഭീഷണി ഉയരുകയാണ്. അസീസ് പാണ്ടി ുയാഗം ഉദ്ഘാടനം ചെയ്തു. എന്‍.എന്‍ ലത്തീഫ് പൊന്നാനി, ശറഫുദ്ദീന്‍ പുറങ്ങ്, ഷാഫി അയിയൂര്‍ തുടങ്ങിയവര്‍ സംസാരിച്ചു. വി.കെ മഷറഫ് സ്വാഗതവും നൗഷാദ് അയിരൂര്‍ നന്ദിയും പറഞ്ഞു.
No comments:
Post a Comment