പി ഡി പി അഡ്വക്കറ്റ് ജനറല്‍ ഓഫീസിലേക്ക് പ്രതിഷേധ മാര്‍ച്ച് നടത്തി

കൊച്ചി.കേരളഹൈക്കോടതിയില്‍ തമിഴ്‌നാട് അനുകൂലമായി നിലപാട് സ്വീകരിച്ച് അഡ്വക്കറ്റ് ജനറലിനെ പുറത്താക്കണമെന്ന് ആവിശ്യപ്പെട്ട് പി ഡി പി അഡ്വക്കറ്റ് ജനറല്‍ ഓഫീസിലേക്ക് പ്രതിഷേധമാര്‍ച്ച് നടത്തി.ഹൈക്കോടതിക്ക് മുന്നില്‍ പി ഡി പി സംസ്ഥാന സെക്രട്ടറി മുഹമ്മദ് റജീബ് മാര്‍ച്ച് ഉത്ഘാടനം ചെയ്തു.തമിഴ്‌നാടിന് വിടുപണി ചെയ്യുന്ന എ ജിയെ എത്രയും പെട്ട...െന്ന് പുറത്താക്കണം.സംസ്ഥാനത്തിന്റെ താല്പര്യത്തിന് വിരുദ്ധമായി പ്രവര്‍ത്തിച്ച അദ്ദേഹത്തിന് ആ സ്ഥാനത്തിരിക്കാന്‍ യോഗ്യനല്ല എന്ന് സ്വന്തം പ്രവര്‍ത്തിയിലൂടെ തെളിയിച്ചിരിക്കുകയാണ്.ഞെട്ടലോടെയാണ്‌കേരളജനത ഈ വാര്‍ത്ത കേട്ടത്.അദ്ദേഹത്തിനെ പുറത്താക്കന്‍ സര്‍ക്കാര്‍ തയ്യാറായില്ലെങ്കില്‍ ശക്തമായ പ്രക്ഷോഭം സര്‍ക്കാര്‍ അഭിമുഖികരിക്കേണ്ടി വരുമെന്ന് അദ്ദേഹം പറഞ്ഞു. കേന്ദ്രസമിതി അംഗം കെ കെ ബീരാന്‍കുട്ടി,പി ഡി പി ജില്ല പ്രസിഡന്റ് മുജീബ് റഹ്മാന്‍ ജില്ലാ ഭാരവാഹികളായ നൗഷാദ് പാറാക്കാടന്‍,ജമാല്‍ കുഞ്ഞിനിക്കര,തുടങ്ങിയവര്‍ നേതൃത്വം നല്‍കി

മുല്ലപ്പെരിയാര്‍: 

പി.ഡി.പി. കുമളി ചെക്ക്‌പോസ്റ്റ് ഉപരോധിക്കും

തൊടുപുഴ: മുല്ലപ്പെരിയാര്‍ വിഷയത്തില്‍ സര്‍ക്കാരുകള്‍ നിസ്സംഗത അവസാനിപ്പിച്ച് ജനങ്ങളുടെ ജീവനും സ്വത്തിനും സംരക്ഷണം നല്‍കണമെന്നും അണക്കെട്ടിലെ ജലനിരപ്പ് 120 അടിയായി കുറയ്ക്കണമെന്നും പി.ഡി.പി. സംസ്ഥാന ജനറല്‍ സെക്രട്ടറി സുബൈര്‍ സബാഹി തൊടുപുഴയില്‍ പത്രസമ്മേളനത്തില്‍ ആവശ്യപ്പെട്ടു.

ഈ ആവശ്യങ്ങള്‍ ഉന്നയിച്ച് പി.ഡി.പി. പ്രവര്‍ത്തകര്‍ സംസ്ഥാന കമ്മിറ്റിയുടെ നേതൃത്വത്തില്‍ ഡിസംബര്‍ മൂന്നിന് കുമളി ചെക്ക്‌പോസ്റ്റ് ഉപരോധിക്കും. അണക്കെട്ടിന്റെ പ്രശ്‌നം അവസാനിപ്പിക്കാന്‍ അധികൃതര്‍ തീരുമാനമെടുക്കുന്നതുവരെ പി.ഡി.പി. നിരന്തര സമരം നടത്തുമെന്നും അദ്ദേഹം പറഞ്ഞു.

സംസ്ഥാന സെക്രട്ടറി മാഹിന്‍ ബാദുഷ മൗലവി, സംസ്ഥാന സെക്രട്ടേറിയറ്റ് അംഗം കുടയത്തൂര്‍ കരീം, ഇടുക്കി ജില്ലാ പ്രസിഡന്റ് എം.എം.സുലൈമാന്‍, സെക്രട്ടറി നജീബ് കളരിക്കല്‍, കെരിം ആലക്കോട്, എം.കെ.പരീത്, പി.എ.ചൈതീന്‍ എന്നിവര്‍ പങ്കെടുത്തു.

പുതിയ ഡാം ഉടന്‍ നിര്‍മ്മിക്കണം - പി.സി.എഫ്‌

ദമ്മാം: മുല്ലപ്പെരിയാര്‍ ഡാം ഉടന്‍ പൊളിച്ചു മാറ്റി പുതിയ ഡാം നിര്‍മ്മിക്കാന്‍ സംസ്ഥാന-കേന്ദ്ര സര്‍ക്കാറുകള്‍ തയ്യാറാകണമെന്നും ഈ വിഷയത്തില്‍ കേന്ദ്രമന്ത്രിമാര്‍ ഉടന്‍ നിലപാട് വ്യക്തമാക്കണമെന്നും പീപ്പിള്‍സ് കള്‍ച്ചറല്‍ ഫോറം സൗദി നാഷണല്‍ കമ്മിറ്റി ജനറല്‍ കണ്‍വീനര്‍ അശറഫ് പൊന്നാനി, കണ്‍വീനര്‍ സംസം ഗഫൂര്‍, നാഷണല്‍ കമ്മിറ്റിയംഗങ്ങളായ സുബൈര്‍ മൗലവി വണ്ടിപ്പെരിയാര്‍, ദിലീപ് താമരക്കുളം, പി.എ.മുഹമ്മദ് റാസി, അന്‍സാരി കൊട്ടാരക്കര, അസീസ് തേവലക്കര എന്നിവര്‍ ആവശ്യപ്പെട്ടു.

പിഡിപി ഹര്‍ത്താല്‍ നടത്തും

കൊച്ചി: മുല്ലപ്പെരിയാര്‍ വിഷയത്തില്‍ കേന്ദ്രസര്‍ക്കാര്‍ ഇടപെടണമെന്ന് ആവശ്യപ്പെട്ട് പിഡിപി ചൊവ്വാഴ്ച നാല് ജില്ലകളില്‍ ഹര്‍ത്താല്‍ നടത്തും. രാവിലെ 10ന് പാലാരിവട്ടം ജങ്ഷനില്‍ നിന്ന്പ്രതിഷേധ മാര്‍ച്ച് നടത്തും.

മുല്ലപ്പെരിയാര്‍ വിഷയത്തില്‍ കേന്ദ്രസര്‍ക്കാര്‍ അടിയന്തിരമായി ഇടപെടണമെന്ന് ആവശ്യപ്പെട്ട് പിഡിപി സംസ്ഥാന കമ്മിറ്റിയുടെ നേതൃത്വത്തില്‍ ഡിസംബര്‍ മൂന്നിന് രാവിലെ 10ന് കുമളി ചെക്ക്‌പോസ്റ്റ് ഉപരോധിക്കും.

ജസ്റ്റിസ് ഫോര്‍ മഅ്ദനി ഫോറം പണപ്പിരിവ്: സി.ബി.ഐ അന്വേഷണ ആവശ്യം തള്ളി

കൊച്ചി: ജസ്റ്റിസ് ഫോര്‍ മഅ്ദനി ഫോറം പണപ്പിരിവ് നടത്തുന്നത് സംബന്ധിച്ച് സി.ബി.ഐ അന്വേഷണം നടത്തണമെന്ന ആവശ്യം ഹൈകോടതി അനുവദിച്ചില്ല.ഇതു സംബന്ധിച്ച സംസ്ഥാന പൊലീസിന്‍െറ അന്വേഷണം കാര്യക്ഷമമല്ളെന്ന് ചൂണ്ടിക്കാട്ടിയ ഹരജിക്കാരന്‍ കൊച്ചി കൂവപ്പാടം സ്വദേശി ടി.ജി. മോഹന്‍ദാസിന്‍െറ ആവശ്യമാണ് കോടതി നിരസിച്ചത്.നേരത്തേ ഹരജി പരിഗണിച്ച കോടതി അന്വേഷണം സംബന്ധിച്ച വിവരങ്ങള്‍ സമര്‍പ്പിക്കാന്‍ നിര്‍ദേശിച്ചിരുന്നു. ആലപ്പുഴ ജില്ലയിലെ അമ്പലപ്പുഴ, മണ്ണഞ്ചേരി പൊലീസ് സ്റ്റേഷനുകളിലൊഴികെ സംസ്ഥാനത്ത് ഒരിടത്തും ഇത്തരം കാര്യം ശ്രദ്ധയില്‍പ്പെട്ടിട്ടില്ളെന്നും കേസുകള്‍ നിലവിലില്ളെന്നും ഡി.ജി.പി കോടതിയെ അറിയിച്ചിരുന്നു.

കേരളത്തെ മദ്യത്തില്‍ മുക്കിക്കൊല്ലാനുള്ള നീക്കം 

ഉപേക്ഷിക്കണം -പി.സി.എഫ്.

ജിദ്ദ: ബാര്‍ ഹോട്ടലുകള്‍ക്ക് ത്രീസ്റ്റാര്‍ പദവി അനുവദിച്ചും നൂറിലധികം ഹോട്ടലുകള്‍ക്ക് ലൈസന്‍സ് അനുവദിച്ചും കേരളത്തെ മദ്യത്തില്‍ മുക്കിക്കൊല്ലുന്ന സര്‍ക്കാറിന്റെ പുതിയ മദ്യനയം ഉപേക്ഷിക്കണമെന്ന് പീപ്പിള്‍സ് കള്‍ച്ചറല്‍ ഫോറം ജിദ്ദ എക്‌സിക്യൂട്ടീവ് യോഗം ആവശ്യപ്പെട്ടു. മദ്യഷോപ്പുകള്‍ക്ക് ലൈസന്‍സ് അനുവദിക്കാനുള്ള അധികാരം തദ്ദേശ സ്വയംഭരണ സ്ഥാപനങ്ങളില്‍ നിന്ന് എടുത്തുമാറ്റിയത് കേരളത്തില്‍ മദ്യവ്യാപനം വര്‍ധിക്കാന്‍ കാരണമാകുമെന്നും മനുഷ്യരാശിയെ നാശത്തിലേക്ക് നയിക്കുന്ന മദ്യം ഘട്ടംഘട്ടമായി നിരോധിക്കാന്‍ സര്‍ക്കാര്‍ തയ്യാറാകണമെന്നും യോഗം ആവശ്യപ്പെട്ടു. 

ശറഫിയ്യ അല്‍ റയാന്‍ ഓഡിറ്റോറിയത്തില്‍ പ്രസിഡന്റ് ദിലീപ് താമരക്കുളത്തിന്റെ അധ്യക്ഷതയില്‍ ചേര്‍ന്ന യോഗം ഉപദേശക ചെയര്‍മാന്‍ സുബൈര്‍ മൗലവി ഉദ്ഘാടനം ചെയ്തു. പി.എ. മുഹമ്മദ് റാസി മുഖ്യപ്രഭാഷണം നടത്തി. ഇ.എം. അനീസ്, റസാഖ് മാസ്റ്റര്‍ മമ്പുറം, സിദ്ദീഖ് സഖാഫി മഞ്ഞപ്പെട്ടി, ശിഹാബ് പൊന്‍മള, അബ്ദുള്‍ റഊഫ് തലശ്ശേരി, അന്‍സാര്‍ കരുനാഗപ്പള്ളി, മുഹമ്മദ് ശരീഫ് പാണ്ടിക്കാട്, അബ്ദുള്‍ റശീദ് ഓയൂര്‍ തുടങ്ങിയവര്‍ ചര്‍ച്ചയില്‍ പങ്കെടുത്ത് സംസാരിച്ചു. ജനറല്‍ സെക്രട്ടറി ഉമര്‍ മേലാറ്റൂര്‍ സ്വാഗതവും ജോയന്റ് സെക്രട്ടറി ജാഫര്‍ മുല്ലപ്പള്ളി നന്ദിയും പറഞ്ഞു. 

സാക്ഷിമൊഴികള്‍ അനുസരിച്ചും

മഅ്ദനിക്കെതിരായ കുറ്റങ്ങള്‍ നിലനില്‍ക്കില്ളെന്ന് 

ബംഗളൂരു: 2008 ജൂലൈ 25ലെ ബംഗളൂരു സ്ഫോടന പരമ്പര കേസില്‍ പ്രതിയാക്കപ്പെട്ട അബ്ദുന്നാസിര്‍ മഅ്ദനിയെ കുറ്റമുക്തനാക്കണമെന്നാവശ്യപ്പെട്ട് സമര്‍പ്പിച്ച ഒമ്പത് വിടുതല്‍ ഹരജികളില്‍ പ്രോസിക്യൂഷന്‍ വാദം നവംബര്‍ 28ന് നടക്കും. മഅ്ദനിയുടെ അഭിഭാഷകരുടെ വാദം ബുധനാഴ്ച പൂര്‍ത്തിയായതിനെ തുടര്‍ന്നാണ് കേസ് 28ലേക്ക് മാറ്റി പ്രത്യേക അതിവേഗ കോടതി ജഡ്ജി എച്ച്.ആര്‍. ശ്രീനിവാസ് ഉത്തരവിട്ടത്.കുറ്റപത്രത്തില്‍ ഉള്‍പ്പെടുത്തിയിട്ടുള്ള സാക്ഷി മൊഴികള്‍ അനുസരിച്ച് മഅ്ദനിക്കെതിരായ കുറ്റങ്ങള്‍ നിലനില്‍ക്കില്ളെന്നാണ് മുതിര്‍ന്ന അഭിഭാഷകന്‍ യശാങ്ക് അധ്യാരുവിന്‍െറ നേതൃത്വത്തില്‍ അഭിഭാഷകരായ പി. ഉസ്മാന്‍, അഡോള്‍ഫ് മാത്യു, സുധാകരന്‍, വസന്ത് എച്ച്. വൈദ്യ എന്നിവരടങ്ങുന്ന സംഘം വാദിച്ചത്.മഅ്ദനിക്കെതിരെ ആരോപിച്ച പ്രധാന കുറ്റം ഗൂഢാലോചനയാണ്. കുറ്റപത്രത്തില്‍ ഉള്‍പ്പെടുത്തിയിട്ടുള്ള മജീദ്, റഫീഖ്, പ്രഭാകര്‍ എന്നിവരുടെ സാക്ഷിമൊഴികള്‍ വിശ്വാസയോഗ്യമല്ല. ഇവരുടെ മൊഴികള്‍ വിശ്വാസത്തിലെടുത്താല്‍ പോലും മഅ്ദനിക്കെതിരെ ആരോപിച്ചിട്ടുള്ള ഗൂഢാലോചനാ കുറ്റമോ മറ്റ് കുറ്റങ്ങളോ നിലനില്‍ക്കുന്നതല്ല. ഗൂഢാലോചന നടന്നത് എവിടെ വെച്ചാണെന്നോ എന്നാണെന്നോ ഏത് സമയത്താണെന്നോ കുറ്റപത്രത്തില്‍ വ്യക്തമാക്കുന്നില്ല.എറണാകുളത്തെ ആശുപത്രിയില്‍ ഗുരുതരാവസ്ഥയില്‍ കഴിയുന്ന മജീദ് കണ്ണൂരില്‍ പോയി മൊഴി നല്‍കിയെന്ന് കുറ്റപത്രത്തില്‍ പറയുന്നത് സാമാന്യബുദ്ധിക്ക് നിരക്കുന്നതല്ല. സാമാന്യബുദ്ധിക്ക് നിരക്കാത്ത മൊഴികളുണ്ടെങ്കില്‍ കുറ്റം ആരോപിക്കുന്ന ഘട്ടത്തില്‍ കോടതി പരിശോധിക്കണമെന്ന് സുപ്രീംകോടതി വിധിയുണ്ടെന്നും മഅ്ദനിയുടെ അഭിഭാഷകര്‍ ചൂണ്ടിക്കാട്ടി. 2005ല്‍ സ്ഫോടനത്തിനുള്ള ഗൂഢാലോചന നടന്നതായി കുറ്റപത്രത്തില്‍ പറയുന്നുണ്ട്.ഈ സമയത്ത് മഅ്ദനി കോയമ്പത്തൂര്‍ കോടതിയില്‍ വിചാരണ തടവിലായിരുന്നു. ഒന്നാം പ്രതി തടിയന്‍റവിട നസീറിന്‍െറ മൊഴികളാണ് മഅ്ദനിക്കെതിരെ കുറ്റം ആരോപിക്കുന്നതിന് കാരണമായി പറഞ്ഞിട്ടുള്ളത്. എന്നാല്‍, പൊലീസിന് മുന്നില്‍ മാത്രമാണ് നസീര്‍ മൊഴി നല്‍കിയിട്ടുള്ളത്. ഇത്ര കാലമായിട്ടും മജിസ്ട്രേറ്റിന് മുന്നില്‍ നസീറിന്‍െറ മൊഴി രേഖപ്പെടുത്താന്‍ പ്രോസിക്യൂഷന്‍ തയാറായിട്ടില്ളെന്നും മഅ്ദനിയുടെ അഭിഭാഷകര്‍ വാദിച്ചു.

ഒരാള്‍ക്കെതിരെ ഗൂഢാലോചനാ കുറ്റം ചുമത്തുന്നത് വ്യക്തമായ മൊഴികളുടെ അടിസ്ഥാനത്തിലാകണമെന്ന സുപ്രീംകോടതി വിധിയും ചൂണ്ടിക്കാണിച്ചു. ഈ കേസിലെ സാക്ഷിമൊഴികളൊന്നും വിശ്വാസ യോഗ്യമല്ളെന്നും  ഇത് കണക്കിലെടുത്താല്‍ പോലും കുറ്റങ്ങള്‍ നിലനില്‍ക്കില്ളെന്നുമാണ് നാല് മണിക്കൂര്‍ നീണ്ട വാദത്തില്‍ മഅ്ദനിയുടെ അഭിഭാഷകര്‍ വ്യക്തമാക്കിയത്.ഒക്ടോബര്‍ 28ന് വിടുതല്‍ ഹരജികള്‍ സമര്‍പ്പിച്ച ശേഷം നടന്ന വാദത്തില്‍ മഅ്ദനിക്കെതിരെ കുറ്റപത്രങ്ങള്‍ സമര്‍പ്പിച്ചത് നിയമപരമായും സാങ്കേതികമായും പാലിക്കേണ്ട നടപടിക്രമങ്ങള്‍ അനുസരിച്ചല്ളെന്നും ഈ സാഹചര്യത്തില്‍ കുറ്റപത്രം തള്ളണമെന്നും ആവശ്യപ്പെട്ടിരുന്നു. 

പി.ഡി.പി പ്രവര്‍ത്തക സംഗമവും സ്വീകരണവും 20ന്

പി.ഡി.പി പ്രവര്‍ത്തക സംഗമവും സ്വീകരണവും 20ന്

കാസര്‍കോട്: പി.ഡി.പി പ്രവര്‍ത്തക സംഗമം നവംബര്‍ 20ന് ആലിയാ ഓഡിറ്റോറിയത്തില്‍ നടക്കും. ഇതോടൊപ്പം കര്‍ണ്ണാടക പോലീസ് തെഹല്‍ക്കാ റിപ്പോര്‍ട്ടര്‍ ഷാഹിനയോടൊപ്പം പ്രതിചേര്‍ത്തതിനാല്‍ ഒളിവില്‍ പോകുകയും തുടര്‍ന്ന് മടിക്കേരി കോടതി മുന്‍കൂര്‍ ജാമ്യം അനുവദിക്കുകയും ചെയ്ത പി.ഡി.പി പ്രവര്‍ത്തകന്‍ സുബൈര്‍ പടുപ്പിന് സ്വീകരണവും നല്‍കും. 

നവംബര്‍ 20ന് ഉച്ചയ്ക്ക് 2 മണിക്കാണ് സ്വീകരണ ചടങ്ങ്. ഇതിനെതുടര്‍ന്ന് പി.ഡി.പി പ്രവര്‍ത്തക സംഗമവും നടത്താനും പി.ഡി.പി ജില്ലാ പ്രസിഡന്റ് ഐ.എസ് സക്കീര്‍ ഹുസൈനിന്റെ അധ്യക്ഷതയില്‍ ചേര്‍ന്ന യോഗത്തില്‍ തീരുമാനിച്ചു. പി.ഡി.പി സംസ്ഥാന ജനറല്‍ സെക്രട്ടറി അജിത്ത് കുമാര്‍ ആസാദ്, നിസാര്‍ മേത്തര്‍, സ്വാമി വര്‍ക്കല രാജ് തുടങ്ങിയവര്‍ സംബന്ധിക്കും.

2005 ന് ശേഷമുള്ള സ്‌ഫോടനക്കേസുകള്‍ 


പുനരന്വേഷണം നടത്തണം-പിഡിപി

കൊച്ചി: രാജ്യത്ത് നടന്ന പല സ്‌ഫോടനങ്ങള്‍ക്ക് പിന്നിലും സംഘപരിവാര്‍ ബന്ധമുള്ള സംഘടനകളുടെ ബന്ധം വെളിവാകുകയും ഇതുസംബന്ധിച്ച വിവരം ദേശീയ അന്വേഷണ ഏജന്‍സി കോടതികളില്‍ രേഖാമൂലം സമര്‍പ്പിക്കുകയും ചെയ്ത സാഹചര്യത്തില്‍ 2005 ന് ശേഷം രാജ്യത്ത് നടന്ന എല്ലാ സ്‌ഫോടനക്കേസുകളിലും ദേശീയ അന്വേഷണ ഏജന്‍സി പുനരന്വേഷണം നടത്തണമെന്നും യഥാര്‍ഥ കുറ്റവാളികളെ പിടികൂടി നിയമത്തിന്റെ മുന്നില്‍ കൊണ്ടുവരണമെന്നും പിഡിപി ആവശ്യപ്പെട്ടു.

രാജ്യത്ത് നടന്ന പല സ്‌ഫോടനക്കേസുകളിലും നിഷ്പക്ഷമായ അന്വേഷണമല്ല നടന്നതെന്നാണ് എന്‍ഐഎയുടെ പുതിയ വെളിപ്പെടുത്തലിലൂടെ ബോധ്യമാകുന്നത്. മലേഗാവ് സ്‌ഫോടനക്കേസില്‍ നിരപരാധിത്വം തെളിയിക്കപ്പെട്ട് മോചിതരായവരോട് മാപ്പപേക്ഷിക്കാനും അര്‍ഹമായ നഷ്ടപരിഹാരം ലഭ്യമാക്കാനും നടപടികള്‍ സ്വീകരിക്കണമെന്നും പിഡിപി സംസ്ഥാന സെക്രട്ടറി മുഹമ്മദ് റജീബ് പ്രസ്താവനയില്‍ ആവശ്യപ്പെട്ടു.

എല്ലാവര്ക്കും പി സി എഫ് ന്‍റെ ഈദ്‌ മുബാറക് 

മ അ ദനി നീതി നിഷേദം പി ഡി പി റാലി ഭരണ കൂടത്തിനു താക്കീതായി 

µ¤.

തിരുവനന്തപുരം: പി.ഡി.പി. ചെയര്‍മാന്‍ അബ്ദുല്‍ നാസ്സര്‍ മഅദനി നേരിടുന്ന നീതിനിഷേധത്തിനെതിരെ കേരള നിയമസഭ അടിയന്തരമായി ഇടപെടണമെന്നും പ്രമേയം പാസ്സാക്കണമെന്നും ആവശ്യപ്പെട്ട് പി.ഡി.പിയുടെ നേതൃത്വത്തില്‍ നിയമസഭ മാര്‍ച്ച് നടത്തി. പി.ഡി.പി നേതാവ് അഡ്വ. അക്ബര്‍ അലി ഉദ്ഘാടനം ചെയ്തു. ആയിരങ്ങള്‍ പങ്കെടുത്ത കൂറ്റന്‍ മാര്‍ച്ച് ആശാന്‍ സ്‌ക്വയറിന് മുന്നില്‍ പാര്‍ട്ടി വൈസ് ചെയര്‍മാന്‍ വര്‍ക്കല രാജ് ഫ്‌ളാഗ്ഓഫ് ചെയ്തു.

കേരളത്തില്‍ രാഷ്ട്രീയം പറഞ്ഞാല്‍ പിന്തുണ നഷ്ടപ്പെടും എന്നതിന് തെളിവാണ് മദനിയെന്ന് മാര്‍ച്ചില്‍ പങ്കെടുത്ത കെ.ടി. ജലീല്‍ എം.എല്‍.എ പറഞ്ഞു. രാഷ്ട്രീയം മിണ്ടാതെയിരുന്നാല്‍ മാത്രം പിന്തുണ ലഭിക്കുന്ന അവസ്ഥയാണെന്നും അദ്ദേഹം പറഞ്ഞു.സാമ്രാജ്യത്വ വിരുദ്ദ  പോരാട്ടത്തിലെ മുന്നണി പോരാളിയായ മഅദനിയെ ലക്‌ഷ്യം വെച്ചുള്ള ഭരണകൂടങ്ങളുടെ ക്രൂര നിലപാടുകള്‍ക്കെതിരെ സമൂഹത്തിലെ എല്ലാ വിഭാഗം ജനങ്ങളും രംഗത്ത്‌ വരണമെന്ന് ജലീല്‍ പറഞ്ഞു. മുഖ്യമന്ത്രി ഉമ്മന്‍ചാണ്ടിക്ക് രണ്ടുതരം മനുഷ്യാവകാശ നിലപാടാണുള്ളതെന്ന് ജമീലാ പ്രകാശം എം.എല്‍.എ പറഞ്ഞു. മദനിവിഷയത്തില്‍ ഇടപെടാന്‍ പരിമിതികളുണ്ടെന്നാണ് മുഖ്യമന്ത്രി പറയുന്നത്. എന്നാല്‍ ബാലകൃഷ്ണപിള്ളയുടെ കാര്യത്തില്‍ ഇത്തരം പരമിതികളൊന്നും അദ്ദേഹം കാട്ടുന്നില്ല -ജമീല പറഞ്ഞു.

മഅദനിക്കെതിരെ തുടരുന്ന നീതി നിഷേധത്തിനെതിരെ പി.ഡി.പി. നടത്തുന്ന സമരങ്ങള്‍ക്ക് നിയമസഭാക്കകത്തും പുറത്തും തങ്ങള്‍ ഒപ്പം ഉണ്ടാകുമെന്ന് മാര്‍ച്ചില്‍ പി.ടി.എ. റഹീം എം.എല്‍.എ പറഞ്ഞു. മുന്‍മന്ത്രി വി. സുരേന്ദ്രന്‍പിള്ള, നീലലോഹിതദാസന്‍ നാടാര്‍, എച്ച്. ഷഹീര്‍ മൗലവി, ഭാസുരേന്ദ്രബാബു, പാച്ചല്ലൂര്‍ സലീം മൗലവി, സാബു കൊട്ടാരക്കര, യു.കെ. അബ്ദുള്‍ റഷീദ് മൗലവി, സുബൈര്‍ സബാഹി, കെ.ഇ.അബ്ദുള്ള, എം.എസ്.നൌഷാദ്, അഡ്വ.സിറാജ് കാഞ്ഞിരമറ്റം തുടങ്ങിയവര്‍ സംസാരിച്ചു.

അജിത്‌ കുമാര്‍ ആസാദ്, സാബു കൊട്ടാരക്കര, സുബൈര്‍ സബാഹി, ടി.എ.മുജീബ് റഹ്മാന്‍, മൈലക്കാട് ഷാ, അഡ്വ.സത്യദേവ്, അഡ്വ. ഷംസുദ്ദീന്‍ കുന്നത്ത്, കെ.ഇ.അബ്ദുള്ള, മുഹമ്മദ്‌ റജീബ്, പനവൂര്‍ ഹസ്സന്‍, മൊയ്തീന്‍ ചെമ്പോത്തറ പി.സി.എഫ്. നേതാക്കളായ ഹമീദ് കൂരാച്ചുണ്ട്, മുഹമ്മദ്‌ മഅറൂഫ്, ഐ.എസ.എഫ്. സംസ്ഥാന പ്രസിഡണ്ട്‌ അഡ്വ.ഷമീര്‍ പയ്യനങ്ങാടി  എന്നിവര്‍ മാര്‍ച്ചിനു നേതൃത്വം നല്‍കി.      

പി.ഡി.പി ഒല്ലൂര്‍ മണ്ഡലം വാഹന പ്രചാരണ ജാഥ 

പി.ഡി.പി ഒല്ലൂര്‍ മണ്ഡലം വാഹന പ്രചാരണ ജാഥ മണ്ഡലം പ്രസിടന്റ്റ് മജീദ്‌ മുല്ലക്കരയുടെ നേത്രത്വത്തില്‍ നടന്നു. കാളത്തോട്, കൃഷ്ണാപുരം, വട്ടക്കല്ല്, മുടിക്കോട്, വാണിയംമ്പാറ, മുല്ലക്കര, മണ്ണുത്തി എന്നിവിടങ്ങളില്‍ ജാഥക്ക് വമ്പിച്ച സ്വീകരണം നല്‍കി. മണ്ണുത്തി പോലീസ് സ്റ്റേഷന്‍ പരിസരത്ത് നിന്ന് ആരംഭിച്ച നൂറോളം പ്രവര്‍ത്തകരുടെ പ്രകടനത്തോടെ മണ്ണുത്തി സെന്ററില്‍ സമാപനസമ്മേളനം നടന്നു. മജീദ്‌ മുല്ലക്കരയുടെ അധ്യക്ഷതയില്‍ സി.എ.സി അംഗം കെ.ഇ അബ്ദുള്ള സമാപന സമ്മേളനം ഉത്ഘാടനം ചെയ്തു. മഅദനി നേരിടുന്ന മനുഷ്യാവകാശ ലഘനത്തെ കുറിച്ചും പി.ഡി.പിയുടെ നിയമസഭ മാര്‍ച്ചിനെ കുറിച്ചും എം.പി രഞ്ജിത്തിന്റെ വിശധീകരണ പ്രസംഗം സമാപന സമ്മേളനത്തില്‍ ശ്രദ്ധേയമായി. ഞാന്‍ ഒരു ഈഴവനാണ്‌. അബ്ദുല്‍ നാസര്‍ മഅദനിയുടെ പ്രത്യയ ശാസ്ത്രവും നിലപാടുകളുമാണ് എന്നെ പി.ഡി.പിയിലേക്ക് ആകര്‍ഷിച്ചത്. പി.ഡി.പി രൂപീകരിച്ചത് മുതല്‍ ഞാന്‍ പി.ഡി.പി കാരനാണ് എം.പി രഞ്ജിത്ത് പറഞ്ഞു. അബ്ദുല്‍ നാസര്‍ മഅദനിക്കെതിരെ നടക്കുന്ന അനീതിക്കെതിരെ മുഴുവന്‍ മതേതര ജനാധിപത്യ വിശ്വാസികളുടെയും മനസ്സാക്ഷി ഉണരണമെന്നും അദ്ദേഹം പറഞ്ഞു. സനോജ് കാളത്തോട് നന്ദി പറഞ്ഞു കേരള കര്‍ഷക സംഗം ജില്ലാ സെക്രട്ടറി സജി മാഞ്ഞമറ്റം പി.ഡി.പിയില്‍ സെക്രട്ടറി സ്ഥാനം രാജി വച്ച് സജി മാഞ്ഞമറ്റം പി.ഡി.പി യില്‍ ചേര്‍ന്നു. ഒല്ലൂര്‍ മണ്ഡലം വാഹന പ്രചാരണ സമാപന സമ്മേളനത്തില്‍ കെ.ഇ അബ്ദുള്ള സജി മാഞ്ഞമറ്റത്തെ പ്രാഥമിക അഗത്വം നല്‍കി പി.ഡി.പിയിലേക്ക് സ്വീകരിച്ചു

മഅദനി സമൂഹ മനസാക്ഷി ഉണ രണം - വര്‍ക്കല രാജ്

മഅ്ദനിക്കെതിരായ ഗൂഢാലോചന 

അന്വേഷിക്കണം -പി.ഡി.പി

കൊല്ലം: കോയമ്പത്തൂര്‍ സ്ഫോടനക്കേസില്‍ പ്രതിയാക്കപ്പെട്ട് അബ്ദുന്നാസിര്‍ മഅ്ദനി പത്ത് വര്‍ഷത്തോളം ജയിലില്‍ അടയ്ക്കപ്പെട്ടതിന് പിന്നിലെ ഗൂഢാലോചന അന്വേഷിക്കണമെന്ന് പി.ഡി.പി സംസ്ഥാന ജനറല്‍ സെക്രട്ടറി സുബൈര്‍ സബാഹി വാര്‍ത്താസമ്മേളനത്തില്‍ ആവശ്യപ്പെട്ടു.  ഐസ്ക്രീം കേസുമായി ഇതിന് ബന്ധമുണ്ടെന്ന പ്രചാരണങ്ങള്‍ നടക്കുന്നതിനാല്‍ ഇക്കാര്യംകൂടി അന്വേഷിക്കണം. കോയമ്പത്തൂര്‍ സ്ഫോടനക്കേസില്‍ കുടുക്കുന്നതിന് മുമ്പ്  1998 മാര്‍ച്ച് 31ന് മഅ്ദനിയുടെ കൊച്ചിയിലെ വസതിയില്‍ നടത്തിയ പരിശോധനയില്‍ ഐസ്ക്രീം കേസുമായി ബന്ധപ്പെട്ട രേഖകളടങ്ങുന്ന ഫയല്‍ പൊലീസ് കൊണ്ടുപോയിരുന്നു. പത്രകട്ടിങ്ങുകളടക്കമുള്ളവയായിരുന്നു ഇത്. രേഖകളുടെ അടിസ്ഥാനത്തില്‍ മഅ്ദനി നടത്തിയേക്കാവുന്ന വെളിപ്പെടുത്തലുകളെ പലരും ഭയന്നിരുന്നു.

മഅ്ദനിയെ ഭീകരനാക്കി ചിത്രീകരിച്ചതിനു പിന്നിലെ ഗൂഢാലോചന അന്വേഷിക്കണമെന്നാവശ്യപ്പെട്ട് പി.ഡി.പി നേതാക്കള്‍ 27ന് മുഖ്യമന്ത്രി ഉമ്മന്‍ചാണ്ടിയെ കാണും. ജില്ലാ പ്രസിഡന്‍റ് മൈലക്കാട് ഷായും വാര്‍ത്താസമ്മേളനത്തില്‍ പങ്കെടുത്തു.

മഅ്ദനി: മനുഷ്യാവകാശ ലംഘനം 

ശ്രദ്ധയില്‍പെട്ടിട്ടില്ല

തിരുവനന്തപുരം: മഅ്ദനിക്കെതിരെ മനുഷ്യാവകാശ ലംഘനം നടക്കുന്നത് ശ്രദ്ധയില്‍പെട്ടിട്ടില്ളെന്നു മുഖ്യമന്ത്രി ഉമ്മന്‍ചാണ്ടി നിയമസഭയെ അറിയിച്ചു. അറസ്റ്റിന് ശേഷം മഅ്ദനിയോ കുടുംബാംഗങ്ങളോ സഹായത്തിന് അപേക്ഷകള്‍ സര്‍ക്കാറിന് സമര്‍പ്പിച്ചതായി വിവരമില്ളെന്നും പി.ടി.എ. റഹീമിന്‍െറ ചോദ്യത്തിന് മറുപടി നല്‍കി. മഅ്ദനിക്ക് ജാമ്യം ലഭിക്കാന്‍ സഹായിക്കുന്ന കാര്യം പരിശോധിക്കുമെന്നും മുഖ്യമന്ത്രി പറഞ്ഞു.

മഅ്ദനിയോളം മനുഷ്യാവകാശം നിഷേധിക്കപ്പെട്ട മറ്റൊരാളില്ല -ഡോ. ബലരാമന്‍

Published on Sun, 10/23/2011 - 13:46 ( 1 day 11 hours ago)

(+)(-) Font Size

   ShareThisകൊല്ലം: രാജ്യത്ത് മഅ്ദനിയേയും കുടുംബത്തെയും പോലെ മനുഷ്യാവകാശങ്ങള്‍ നിഷേധിക്കപ്പെട്ട മറ്റാരുമില്ളെന്ന് മനുഷ്യാവകാശ കമീഷന്‍ മുന്‍ ആക്ടിങ് ചെയര്‍മാന്‍ ഡോ. എസ്. ബലരാമന്‍.ജസ്റ്റിസ് ഫോര്‍ മഅ്ദനി ഫോറം പുറത്തിറക്കിയ ഫ്രീ മഅ്ദനി ബുള്ളറ്റിന്‍ ഇംഗ്ളീഷ് പതിപ്പ് പ്രകാശനം ചെയ്യുകയായിരുന്നു അദ്ദേഹം. മഅ്ദനി വിഷയത്തില്‍ കേരളത്തിലെ പ്രധാന രാഷ്ട്രീയ, സാമൂഹിക നേതാക്കള്‍ നിലപാട് വ്യക്തമാക്കണമെന്നും അദ്ദേഹം ആവശ്യപ്പെട്ടു. ബംഗളൂരു പരപ്പന അഗ്രഹാര ജയിലിലെ കോടതിയിലാണ് മഅ്ദനിയുടെ വിചാരണ നടക്കുന്നത്.

അഭിഭാഷകര്‍ക്ക് ജയില്‍പുള്ളിയെപ്പോലെ കോടതിയില്‍ ഹാജരാവേണ്ടിവരുന്നതിനാല്‍ മഅ്ദനിയുടെ കേസില്‍ പല പ്രശസ്ത അഭിഭാഷകരും വക്കാലത്തേറ്റെടുക്കാന്‍ വിസമ്മതിക്കുകയാണെന്ന് അധ്യക്ഷതവഹിച്ച ഫോറം ചെയര്‍മാന്‍ ഡോ. സെബാസ്റ്റ്യന്‍ പോള്‍ പറഞ്ഞു. ഭാസുരേന്ദ്രബാബു ബുള്ളറ്റിന്‍ ഏറ്റുവാങ്ങി. ഫോറം വര്‍ക്കിങ് ചെയര്‍മാന്‍ അഡ്വ. കെ.പി. മുഹമ്മദ്, ജനറല്‍ കണ്‍വീനര്‍ എച്ച്. ഷഹീര്‍ മൗലവി, ജമാല്‍ മുഹമ്മദ്, തേവലക്കര അലിയാരുകുഞ്ഞ് മൗലവി, പാങ്ങോട് ഖമറുദ്ദീന്‍ മൗലവി, സോളിഡാരിറ്റി ജനറല്‍ സെക്രട്ടറി ടി. മുഹമ്മദ്, പാച്ചല്ലൂര്‍ സലിം മൗലവി, ചേലക്കുളം ഹമീദ്മൗലവി, ഇ.കെ. സുലൈമാന്‍ ദാരിമി, പി.ഡി.പി സംസ്ഥാന സെക്രട്ടറി സാബു കൊട്ടാരക്കര, റജീബ്, സോളിഡാരിറ്റി സംസ്ഥാന സെക്രട്ടറി കെ. സജീദ്, ടി.എം. ഷരീഫ്, മൈലക്കാട് ഷാ, എ. അബ്ദുല്ലാ മൗലവി, എം.എ. സമദ്, എം.എ. അസീസ് തേവലക്കര, സുനില്‍ ഷാ, അഡ്വ. കാഞ്ഞിരമറ്റം സിറാജ് തുടങ്ങിയവര്‍ സംസാരിച്ചു.

മഅ്ദനിയുടെ അറസ്റ്റിന് പിന്നില്‍ ഐസ്ക്രീം കേസ് -പി.ഡി.പി

Published on Sun, 10/23/2011 - 11:11 ( 1 day 13 hours ago)

(+)(-) Font Size

   ShareThisപൊന്നാനി: പി.ഡി.പി ചെയര്‍മാന്‍ അബ്ദുന്നാസിര്‍ മഅ്ദനിയുടെ അറസ്റ്റിന് ഐസ്ക്രീം കേസുമായി ബന്ധമുണ്ടെന്ന് പൊന്നാനിയില്‍ ചേര്‍ന്ന പാര്‍ട്ടിയുടെ അടിയന്തര ജില്ലാ എക്സിക്യൂട്ടീവ് കമ്മിറ്റി യോഗം അഭിപ്രായപ്പെട്ടു.

 സെക്രട്ടേറിയറ്റംഗം യൂസഫ് പാന്ത്ര ഉദ്ഘാടനം ചെയ്തു. ജില്ലാ പ്രസിഡന്‍റ് അലി കാടാമ്പുഴ അധ്യക്ഷത വഹിച്ചു. ജില്ലാ സെക്രട്ടറി ജാഫര്‍ അലി ദാരിമി, ഗഫൂര്‍ വാവൂര്‍, ശശി പൂവന്‍ചിന, അബ്ദുല്‍ ബാരി റഷാദ്, എന്‍.എ. സിദ്ദീഖ്, ബാപ്പു പുത്തനത്താണി, അസീസ് വെളിയങ്കോട്, സുല്‍ഫിക്കര്‍ അലി എന്നിവര്‍ സംസാരിച്ചു.

മഅദനി സമൂഹ മനസാക്ഷി ഉണ രണം - വര്‍ക്കല രാജ്

ചങ്ങനാശേരി: ബംഗളുരു പരപ്പന അഗ്രഹാര സെന്‍ട്രല്‍ ജയിലില്‍ കഴിയുന്ന പി.ഡി.പി. ചെയര്‍മാന്‍ അബ്‌ദുള്‍ നാസര്‍ മഅദനി നേരിടുന്ന നീതിനിഷേധത്തിനും മനുഷ്യാവകാശ ലംഘനത്തിനുമെതിരേ കേരളത്തിലെ പൊതുസമൂഹത്തിന്റെ മനസാക്ഷി ഉണരണമെന്ന്‌ പി.ഡി.പി. സംസ്‌ഥാന വൈസ്‌ ചെയര്‍മാന്‍ വര്‍ക്കല രാജ്‌. 27ന്‌ പി.ഡി.പി. സംഘടിപ്പിച്ചിരിക്കുന്ന നിയമസഭാ മാര്‍ച്ചിന്റെ പ്രചരണാര്‍ഥം പി.ഡി.പി. ജില്ലാ പ്രസിഡന്റ്‌ എം.എസ്‌. നൗഷാദ്‌ നയിക്കുന്ന സമരപ്രഖ്യാപന വിളംബരജാഥയുടെ ജില്ലാ സമാപന സമ്മേളനം ചങ്ങനാശേരി മുനിസിപ്പല്‍ ജംഗ്‌ഷനില്‍ ഉദ്‌ഘാടനം ചെയ്യുകയായിരുന്നു അദ്ദേഹം. 

സമര പ്രഖ്യാപന വിളംബരജാഥയുടെ നാലാംദിവസത്തെ ഉദ്‌ഘാടനം രാവിലെ മുട്ടപ്പള്ളിയില്‍ ദളിത്‌ ആദിവാസി ഏകോപന സമിതി ചെയര്‍മാന്‍ ഐ.കെ. രവീന്ദ്രരാജ്‌ നിര്‍വഹിച്ചു. മുക്കൂട്ടുതറ, എരുമേലി, കറുകച്ചാല്‍, തെങ്ങണ, പായിപ്പാട്‌ തുടങ്ങിയ വിവിധ കേന്ദ്രങ്ങളിലൂടെ ചങ്ങനാശേരി മുനിസിപ്പല്‍ ജംഗ്‌ഷനില്‍ സമാപിച്ചു. നിഷാദ്‌ നടയ്‌ക്കല്‍ അധ്യക്ഷതവഹിച്ച സമാപന സമ്മേളനത്തില്‍ പി.ഡി.പി. സംസ്‌ഥാന ജനറല്‍ സെക്രട്ടറി സുബൈര്‍ സബാഹി മുഖ്യപ്രഭാഷണം നടത്തി.

ജമാഅത്തെ ഇസ്ലാമി ജില്ലാ പ്രസിഡന്റ്‌ ബഷീര്‍ ഫാറുഖി, പി.ഡി.പി. നേതാക്കളായ ഒ.എ. സക്കറിയ, സക്കീര്‍ കളത്തില്‍, അബുബക്കര്‍, മുഹമ്മദാലി, കെ.ജെ. ദേവസ്യ, അസ്‌കര്‍ വൈക്കം, കരിം വട്ടക്കയം, ഷാജി കാട്ടിക്കുന്ന്‌, അബ്‌ദുള്‍ സലിം, മെഹമ്മൂദ്‌, ഇസ്‌മായില്‍ പായിപ്പാട്‌, പി.എ. കമറുദീന്‍, പി.എച്ച്‌. ഷാഹുല്‍ ഹമീദ്‌, പി. ഇബ്രാഹിം, എം.എ. അക്‌ബര്‍, അന്‍സര്‍ഷാ, ഷാഹുല്‍ ഹമീദ്‌ അറവുപുഴ, അനൂപ്‌ വാരാപ്പള്ളി, സാഫറുള്ളാഖാന്‍, സിതീ മുഹമ്മദ്‌, സുകുമാരന്‍, ഷിഹാബ്‌, ഇബ്രാഹിം പായിപ്പാട്‌, വി.എ. മുഹമ്മദ്‌ ബഷീര്‍ എന്നിവര്‍ സമാപന സമ്മേളനത്തിലും വിവിധ കേന്ദ്രങ്ങളിലും പ്രസംഗിച്ചു. 

മഅ്ദനിക്ക് നീതി ലഭ്യമാക്കണം -സുന്നി 

ജംഇയ്യത്തുല്‍ മുഅല്ലിമീന്‍

കരുനാഗപ്പള്ളി: വിചാരണതടവുകാരനായി ബംഗളൂരു അഗ്രഹാര ജയിലില്‍ കഴിയുന്ന അബ്ദുന്നാസിര്‍ മഅ്ദനിക്ക് നീതി ലഭ്യമാക്കാന്‍ കേന്ദ്ര-സംസ്ഥാന സര്‍ക്കാറുകള്‍ അടിയന്തരമായി ഇടപെടണമെന്ന് സുന്നി ജംഇയ്യത്തുല്‍ മുഅല്ലിമീന്‍ കരുനാഗപ്പള്ളി റേഞ്ച് ജനറല്‍ ബോഡി യോഗം ആവശ്യപ്പെട്ടു.വിവാദ വനിതാ ബില്‍ തള്ളിക്കളയണമെന്ന് യോഗം അംഗീകരിച്ച പ്രമേയം ആവശ്യപ്പെട്ടു.

 വിദ്യാഭ്യാസ ബോര്‍ഡ് മുഫത്തിഷ് നാസറുദ്ദീന്‍ മുസ്ലിയാര്‍ അധ്യക്ഷത വഹിച്ചു. ജില്ലാ ജനറല്‍ സെക്രട്ടറി നുജുമുദ്ദീന്‍ അമാനി ഉദ്ഘാടനം ചെയ്തു. തേവലക്കര എസ്. നൗഷാദ് മന്നാനി, എ.ആര്‍. സിദ്ദീഖ് ബാഖവി, സലാഹുദ്ദീന്‍ മദനി, മുജീബ് മുസ്ലിയാര്‍, സബീര്‍ സഖാഫി, നൗഷാദ് സഖാഫി, സാദിഖ് ബാഖവി തുടങ്ങിയവര്‍ സംസാരിച്ചു.

പി.ഡി.പി ജാഥയ്ക്ക് സ്വീകരണം നല്‍കി

Posted on: 21 Oct 2011

തിരൂരങ്ങാടി: മഅദനിക്ക് നീതി ലഭ്യമാക്കണം എന്നാവശ്യപ്പെട്ട് പി.ഡി.പി ജില്ലാ പ്രസിഡന്റ് അലി കാടാമ്പുഴ നയിക്കുന്ന വാഹന പ്രചാരണ ജാഥയ്ക്ക് ചെമ്മാട്ട് സ്വീകരണം നല്‍കി.

യോഗത്തില്‍ ഷഫീഖ് പാലൂക്കില്‍ അധ്യക്ഷതവഹിച്ചു. ഐ.എസ്.എഫ് ജില്ലാപ്രസിഡന്റ് ഉസ്മാന്‍ കാച്ചടി, റസാഖ് ഹാജി, ജലീല്‍ ആങ്ങാടന്‍, വേലായുധന്‍ വെന്നിയൂര്‍, ജാഫര്‍ അലി ദാരിമി എന്നിവര്‍ പ്രസംഗിച്ചു.

മഅ്ദനിയെ പ്രതിചേര്‍ത്തത് ഗൂഢാലോചന -പി.ഡി.പി

കൊച്ചി:  നരേന്ദ്രമോഡിയും ബി.ജെ.പിയുമായുള്ള തമിഴ്നാട് മുഖ്യമന്ത്രിയുടെ പുതിയ ചങ്ങാത്തത്തില്‍ രൂപം കൊണ്ട ഗൂഢാലോചനയുടെ  ഭാഗമാണ് കോയമ്പത്തൂര്‍ പ്രസ് ക്ളബ് കേസില്‍ അബ്ദുന്നാസിര്‍ മഅ്ദനിയെ പ്രതിചേര്‍ത്ത തമിഴ്നാട് പൊലീസിന്‍െറ നടപടിയെന്ന് പി.ഡി.പി സംസ്ഥാന സെക്രട്ടറി മുഹമ്മദ് റജീബ് പറഞ്ഞു. ‘മഅ്ദനി നീതി നിഷേധം നിയമ സഭ ഇടപെടുക’ എന്ന ആവശ്യവുമായി പി.ഡി.പി  27ന് നടത്തുന്ന നിയമസഭാമാര്‍ച്ചിന്‍െറ  പ്രചരണാര്‍ഥം സംഘടിപ്പിച്ച വാഹനജാഥയുടെ ഉദ്ഘാടനം കാക്കനാട്ട് നിര്‍വഹിക്കുകയായിരുന്നു  അദ്ദേഹം. ഈ വിഷയത്തില്‍ നിയമസഭ ഐകകണ്ഠ്യേന പ്രമേയം പാസക്കണമെന്നും അദ്ദേഹം ആവശ്യപ്പെട്ടു.കേന്ദ്രകമ്മിറ്റി അംഗം കെ. കെ. ബീരാന്‍ കുട്ടി,ജാഥാ ക്യപ്റ്റന്‍ കെ. ജെ. സുധീര്‍,മണ്ഡലം സെക്രട്ടറി മുഹമ്മദ് ചിറ്റേറ്റുകര, സലാം കരുമക്കാട്,നജീബ് ,ഷബീര്‍ വെണ്ണല, സലാം വാഴക്കാല തുടങ്ങിയവര്‍ സംസാരിച്ചു. 

ബംഗളൂരു സ്ഫോടനകേസ്:

 മഅ്ദനിയുടെ ഹരജിയില്‍ 28ന് വാദം

ബംഗളൂരു: 2008 ജൂലൈ 25ന് നടന്ന ബംഗളൂരു സ്ഫോടന പരമ്പരക്കേസിലെ പ്രതികള്‍ സമര്‍പ്പിച്ച വിവിധ ഹരജികളില്‍ പ്രത്യേക വിചാരണ കോടതിയില്‍ വാദം തുടങ്ങി. പൂര്‍ണ തോതിലുള്ള വിചാരണാ നടപടികളുടെ ഭാഗമായാണ് പ്രതികള്‍ സമര്‍പ്പിച്ച ഹരജികളില്‍ വാദംകേള്‍ക്കുന്നത്.തിങ്കളാഴ്ച രാവിലെ 11ന് പരപ്പന അഗ്രഹാര ജയിലിലെ പ്രത്യേക വിചാരണ കോടതിയില്‍ നടന്ന നടപടിയില്‍ അറസ്റ്റിലായ മുഴുവന്‍ പ്രതികളും  നേരിട്ട് ഹാജരായി. അഹ്മദാബാദ് സ്ഫോടനക്കേസില്‍ പ്രതികളായി ഗുജറാത്ത് ജയിലില്‍ കഴിയുന്ന രണ്ടാംപ്രതി സൈനുദ്ദീന്‍, നാലാംപ്രതി ഷറഫുദ്ദീന്‍ എന്നിവരെ വീഡിയോ കോണ്‍ഫറന്‍സിങ് വഴിയാണ് ഹാജരാക്കിയത്.    അഭിഭാഷകരായ പി. ഉസ്മാന്‍, സെബാസ്റ്റ്യന്‍ പോള്‍, യു. സുധാകരന്‍, വസന്ത് എച്ച്. വൈദ്യ എന്നിവര്‍  31ാം പ്രതിയായ  അബ്ദുന്നാസിര്‍ മഅ്ദനിക്ക് വേണ്ടി ഹാജരായി. മഅ്ദനിയുടെ വിടുതല്‍ ഹരജി തിങ്കളാഴ്ച അഭിഭാഷകര്‍ സമര്‍പ്പിച്ചെങ്കിലും കൂടുതല്‍ മാറ്റങ്ങളോടെ ഒക്ടോബര്‍ 28ന് സമര്‍പ്പിക്കാന്‍ ജഡ്ജി എച്ച്.എല്‍. ശ്രീനിവാസ് നിര്‍ദേശിച്ചു. ഒമ്പത് കേസുകളിലെയും വിടുതല്‍ ഹരജികള്‍ വെവ്വേറെ സമര്‍പ്പിക്കണമെന്നാണ് ആവശ്യപ്പെട്ടത്. വാദംകേള്‍ക്കല്‍ 28ന് നടക്കും.  28, 29 പ്രതികളായ സാജിര്‍, അബ്ദുല്‍ഖാദര്‍ എന്നിവരുടെ വിടുതല്‍ ഹരജികളും 28ന്  പരിഗണിക്കും. ഇവര്‍ക്ക് വേണ്ടി അഡ്വ. ജഗദീഷ് ഹാജരായി. മുഴുവന്‍ പ്രതികളുടെയും വിടുതല്‍ ഹരജികളില്‍ ഒരുമിച്ച് വിധിപറയാനാണ് കോടതി തീരുമാനം. 17ാം പ്രതി ഇബ്റാഹീം മൗലവി, 18ാം പ്രതി അയ്യൂബ് എന്നിവര്‍ സമര്‍പ്പിച്ച വിടുതല്‍ ഹരജികളും എട്ട്, ഒമ്പത് പ്രതികളായ സകരിയ, ബദ്റുദ്ദീന്‍ എന്നിവര്‍ സമര്‍പ്പിച്ച ജാമ്യഹരജിയും 28ലേക്ക് മാറ്റിയിട്ടുണ്ട്.  ഒക്ടോബര്‍ 12ന് കേസ് പരിഗണിച്ചിരുന്നെങ്കിലും പ്രതികള്‍ക്ക് വിടുതല്‍ ഹരജി സമര്‍പ്പിക്കാനുള്ള അവസരം നല്‍കിയതിനാല്‍ പ്രതിഭാഗം അഭിഭാഷകര്‍ കൂടുതല്‍ സമയം ആവശ്യപ്പെട്ടതിനെ തുടര്‍ന്നാണ് ജസ്റ്റിസ് എച്ച്.എല്‍. ശ്രീനിവാസ് കേസ് തിങ്കളാഴ്ചത്തേക്ക് മാറ്റിയത്.

ഒരാള്‍ മരിക്കുകയും നിരവധി പേര്‍ക്ക് പരിക്കേല്‍ക്കുകയും ചെയ്ത സ്ഫോടനവുമായി ബന്ധപ്പെട്ട് ബംഗളൂരു സിറ്റി പൊലീസ് രജിസ്റ്റര്‍ ചെയ്ത കേസില്‍ 32 പ്രതികളാണുള്ളത്.

മഅ്ദനിക്കെതിരെ മനുഷ്യാവകാശലംഘനം -

പി.സി.എഫ്.സെമിനാര്‍

ജിദ്ദ: പി.ഡി.പി. ചെയര്‍മാന്‍ അബ്ദുന്നാസര്‍ മഅ്ദനിക്കെതിരെ മനുഷ്യാവകാശലംഘനവും ഭരണകൂട ഭീകരതയുമാണ് നടക്കുന്നതെന്ന് പീപ്പിള്‍സ് കള്‍ച്ചറല്‍ ഫോറം ജിദ്ദ ഘടകം സംഘടിപ്പിച്ച സെമിനാര്‍ കുറ്റപ്പെടുത്തി. മഅ്ദനി മനുഷ്യാവകാശലംഘനത്തിന്റെ ഇരയോ എന്ന വിഷയത്തെ ആസ്പദമാക്കി ശറഫിയ്യ ടേസ്റ്റി ഓഡിറ്റോറിയത്തില്‍ സംഘടിപ്പിച്ച സെമിനാര്‍ ജിദ്ദ ഇസ്‌ലാമിക് ദഅ്‌വാ കൗണ്‍സില്‍ (ഐ.ഡി.സി.) നേതാവ് അഡ്വ. കെ.എച്ച്.മുനീര്‍ ഉദ്ഘാടനം ചെയ്തു. ഒമ്പതര വര്‍ഷം നീതി നിഷേധിച്ച് ജയിലിലടച്ച മഅ്ദനിയെ മോചിപ്പിക്കണമെന്നും വൈകിയെത്തുന്ന നീതി, നീതിനിഷേധത്തിന് തുല്യമാണെന്നും അദ്ദേഹം പറഞ്ഞു.

ജിദ്ദ കിങ് അബ്ദുള്‍ അസീസ് യൂണിവേഴ്‌സിറ്റിയിലെ പ്രൊഫസര്‍ സുധാകരന്‍ ചര്‍ച്ചകള്‍ക്ക് തുടക്കം കുറിച്ചു. രാജ്യത്ത് രണ്ടുതരം നീതിയാണ് നിലനില്‍ക്കുന്നതെന്നതിന്റെ ഏറ്റവും വലിയ തെളിവാണ് സുപ്രീംകോടതി കഠിന തടവിന് ശിക്ഷിക്കപ്പെട്ട ബാലകൃഷ്ണപിള്ള പരോളില്‍ വിലസുന്നതും ഫൈവ്സ്റ്റാര്‍ ഹോസ്പിറ്റലില്‍ സുഖവാസം അനുഭവിക്കുന്നതുമെന്നും അതേസമയം ഒരു കോടതിയും ശിക്ഷിക്കാത്ത വികലാംഗനും നിരവധി രോഗങ്ങള്‍ക്ക് അടിമയായ മഅ്ദനി ചികിത്സപോലും നിഷേധിക്കപ്പെട്ട് ജയിലില്‍ പീഡനം അനുഭവിക്കുന്നതെന്നും അദ്ദേഹം പറഞ്ഞു. മഅ്ദനിക്ക് നീതി ലഭിക്കണമെങ്കില്‍ കേസ് കര്‍ണാടക സംസ്ഥാനത്തുനിന്ന് മറ്റേതെങ്കിലും സംസ്ഥാനത്തെ കോടതികളിലേക്ക് മാറ്റണമെന്നും മഅ്ദനി വിഷയത്തില്‍ ഇടത്-വലത് രാഷ്ട്രീയ പ്രസ്ഥാനങ്ങള്‍ ഒരു നാണയത്തിന്റെ ഇരുവശമാണെന്നും ഐ.എം.സി.സി. പ്രതിനിധി കുഞ്ഞാവുട്ടി എ. ഖാദര്‍ അഭിപ്രായപ്പെട്ടു.നിയമം നിയമത്തിന്റെ വഴിക്കല്ല രാജ്യത്ത് പോകുന്നത് എന്നതിന്റെ ഏറ്റവും വലിയ തെളിവാണ് പ്രമോദ് മുത്തലിഖിന്റെ പേരില്‍ നാല് കേസുകള്‍ നിലവിലുണ്ടായിട്ടും നടപടിയെടുക്കാത്തതും വര്‍ത്തമാനകാല സംഭവങ്ങളും തെളിയിക്കുന്നതെന്ന് തനിമ കലാസാംസ്‌കാരിക വേദി പ്രതിനിധി സിറാജ് കൊല്ലം പറഞ്ഞു. കേരള മുസ്‌ലിം ജമാഅത്ത് ഫെഡറേഷന്‍ പ്രതിനിധി അബുസിനാന്‍ ആദിക്കാട്ടുകുളങ്ങര, ജംഇയ്യത്തുല്‍ അന്‍സാര്‍ പ്രതിനിധി പി.എ. മുഹമ്മദ്, സമീര്‍ കാരക്കുന്ന് എന്നിവര്‍ ചര്‍ച്ചയില്‍ പങ്കെടുത്ത് സംസാരിച്ചു. പി.സി.എഫ്. പ്രതിനിധി പി.എ.മുഹമ്മദ്‌റാസിയും പ്രസംഗിച്ചു.സെമിനാറില്‍ പി.സി.എഫ്. ജിദ്ദ ഘടകം പ്രസിഡന്റ് ദിലീപ് താമരക്കുളം മോഡറേറ്ററായിരുന്നു. ഉപദേശക സമിതി ചെയര്‍മാന്‍ സുബൈര്‍ മൗലവി വിഷയാവതരണം നടത്തി. ജനറല്‍ സെക്രട്ടറി ഉമര്‍ മേലാറ്റൂര്‍ സ്വാഗതവും ജോയന്റ് സെക്രട്ടറി ജാഫര്‍ മുല്ലപ്പള്ളി നന്ദിയും പറഞ്ഞു.

മഅദനിയെ ജയില്‍മോചിതനാക്കാന്‍ മംഗലാപുരത്ത് പൊതുയോഗം

മംഗാലാപുരം: ബാംഗ്ലൂര്‍ സ്‌പോടനുവുമായി ബന്ധപ്പെട്ട് ജയിലില്‍ കഴിയുന്ന അബ്ദുള്‍ നാസര്‍ മഅദനിയെ ജയില്‍മോചിതനാക്കാന്‍ മംഗലാപുരത്ത് പൊതുയോഗം സംഘടിപ്പിച്ചു. കര്‍ണാടക ജസ്റ്റിസ് ഫോറത്തിന്റെ ബാനറിലാണ് മനുഷ്യാവകാശ സംരക്ഷണ സമ്മേളനം നടന്നത്. സവര്‍ണ ഹിന്ദുക്കള്‍ നടത്തിയ ഗൂഢാലോചനയുടെ ഫലമായാണ് മഅദനി വീണ്ടും അറസ്റ്റ്‌ചെയ്യപ്പെട്ടതെന്ന് സമ്മേളനം ഉദ്ഘാടനംചെയ്ത ദളിത് വോയ്‌സ് പത്രാധിപര്‍ രാജശേഖരന്‍ കുറ്റപ്പെടുത്തി. ഇബ്രാഹിം തങ്ങള്‍ അധ്യക്ഷത വഹിച്ചു. കോമു സൗഹാര്‍ദ വേദികെ സെക്രട്ടറി കെ.എല്‍.അശോക്, പി.ഡി.പി. വര്‍ക്കിങ് സെക്രട്ടറി വര്‍ക്കല രാജ്, പോപ്പുലര്‍ ഫ്രണ്ട് ഓഫ് ഇന്ത്യ കര്‍ണാടക ബ്രാഞ്ച് പ്രസിഡന്റ് ഇല്യാസ് മുഹമ്മദ് തുമ്പെ എന്നിവര്‍ സംബന്ധിച്ചു.

മഅദനിയുടെ മോചനത്തിന് തല മുണ്ഡനം ചെയ്ത് മാര്‍ച്ച്

കൊല്ലം:ജയിലില്‍ കഴിയുന്ന മഅദനിയെ മോചിപ്പിക്കുക, മഅദനിക്കെതിരായ കേസുകള്‍ നിഷ്പക്ഷ ഏജന്‍സികളെക്കൊണ്ട് അന്വേഷിപ്പിക്കുക തുടങ്ങിയ ആവശ്യങ്ങള്‍ ഉന്നയിച്ച് മുസ്‌ലിം യുവജനവേദിയുടെ നേതൃത്വത്തില്‍ പ്രവര്‍ത്തകര്‍ കളക്ടറേറ്റ് മാര്‍ച്ച് നടത്തി. യുവാക്കളില്‍ പലരും തല മുണ്ഡനം ചെയ്താണ് മാര്‍ച്ചില്‍ പങ്കെടുത്തത്. മുസ്‌ലിം സംയുക്തവേദി സംസ്ഥാന ചെയര്‍മാന്‍ പാച്ചല്ലൂര്‍ അബ്ദുല്‍ സലിം മൗലവി മാര്‍ച്ച് ഉദ്ഘാടനം ചെയ്തു. ജനറല്‍ കണ്‍വീനര്‍ മൈലക്കാട് ഷാ ആധ്യക്ഷ്യം വഹിച്ചു. ബാദുഷ മന്നാനി, യു.കെ.അബ്ദുല്‍ റഷീദ് മൗലവി, ചേലക്കുളം അബ്ദുല്‍ ഹമീദ് മൗലവി, മുജീബ് റഹ്മാന്‍ മൗലവി, പൂക്കോയ തങ്ങള്‍ എന്നിവര്‍ സംസാരിച്ചു.