അബ്ദുല്‍ നാസ്സര്‍ മഅദനി മെയ് 29ന് കാസര്‍കോട്ട്

കാസര്‍കോട്: പി.ഡി.പി. ദേശീയ ചെയര്‍മാന്‍ അബ്ദുന്നാസിര്‍ മഅദനി മെയ് 29, 30 തീയതികളില്‍ കാസര്‍കോട് ജില്ലയില്‍ സന്ദര്‍ശനം നടത്തും. മെയ് 29ന് മംഗലാപുരം വിമാനാപകടത്തില്‍ മരണപ്പെട്ടവരുടെ വീട് സന്ദര്‍ശനവും വിമാന ദുരന്തത്തില്‍ മരണപ്പെട്ടവര്‍ക്കുവേണ്ടി മെയ് 30ന് അന്‍വാര്‍ വെല്‍ഫെയര്‍ ജില്ലാ കമ്മിറ്റി ബദിയടുക്കയില്‍ സംഘടിപ്പിക്കുന്ന ദുഅ മജ്‌ലിസിലും പങ്കെടുക്കും. മെയ് 26ന് 2 മണിക്ക് കാസര്‍കോട് സി.എല്‍. ടൂറിസ്റ്റ് ഹോമില്‍ പി.ഡി.പി. ജില്ലാ പ്രവര്‍ത്തക സംഗമവും നടക്കും

ഒമാന്‍ : പീപ്പിള്‍സ് കള്‍ച്ചറല്‍ ഫോറം സൂര്‍ ഏരിയാ കമ്മിറ്റിയും അല്‍ നൂര്‍ പോളിക്ലിനിക്കും സംയുക്തമായി സംഘടിപ്പിച്ച ആരോഗ്യ ബോധവത്കരണ കേമ്പും രക്ത ദാനവും പ്രവര്‍ത്തക പങ്കാളിത്തം കൊണ്ട് ശ്രദ്ദേയമായി. രക്തദാന പരിപാടി പി.സി.എഫ്. ഒമാന്‍ നാഷണല്‍ കമ്മിറ്റി ജനറല്‍ സെക്രട്ടറി മുഹമ്മദ്‌ ബഷീര്‍ പാലച്ചിറ ഉത്ഘാടനം ചെയ്തു. നിരവധി പ്രവര്‍ത്തകര്‍ പ്രസ്തുത പരിപാടിയില്‍ രക്ത ദാനം നടത്താന്‍ തയ്യാറായി.

ആരോഗ്യ ബോധവത്കരണ പരിപാടി സൂര്‍ ഏരിയാ കമിറ്റി പ്രസിഡണ്ട്‌ ടി.എം.എ.ഹമീദ് കൂരാച്ചുണ്ട് ഉത്ഘാടനം ചെയ്തു. സീനത്ത് കൂരാച്ചുണ്ട് ബോധവത്കരണ ക്ലാസ്സെടുത്തു. പരിപാടികലോടനുബന്ധിച്ചു കൊച്ചു മാന്ത്രികള്‍ ഹാഫിസ് ഹമീദിന്റെ ജാലവിദ്യയും അരങ്ങേറി.

പി സി എഫ് ഭാരവാഹികളായ , രുസ്ധി ബാലരാമപുരം , നിസാം ആലപ്പുഴ , കബീര്‍, നജീം , ഷാജഹാന്‍ , അലാവുദ്ധീന്‍, ഷെരീഫ് എരുമേലി തുടങ്ങിയവര്‍ പങ്കെടുത്തു. ഒമാന്‍ ആരോഗ്യ മന്ത്രാലയത്തിന്റെ പ്രധിനിധികളുടെ സാന്നിധ്യത്തില്‍ ആയിരുന്നു രക്തദാന പരിപാടി.