മഅ്ദനിക്കെതിരെ മൊഴി നല്‍കിയിട്ടില്ല -തടിയന്റവിട നസീര്‍
കൊച്ചി: ബംഗളൂരു സ്‌ഫോടനക്കേസില്‍ താന്‍ മഅ്ദനിക്കെതിരെ മൊഴി നല്‍കിയിട്ടില്ലെന്ന് തടിയന്റവിട നസീര്‍. ബുധനാഴ്ച രാവിലെ കൊച്ചിയിലെ എന്‍.ഐ.എ കോടതിയില്‍ ഹാജരാക്കി പുറത്തേക്ക് കൊണ്ടുവരവെ ചാനല്‍കാമറയെ നോക്കിയാണ് നസീര്‍ ഇക്കാര്യം വിളിച്ചു പറഞ്ഞത്്. 'മഅ്ദനിക്കെതിരെ ഞാന്‍ മൊഴി കൊടുത്തിട്ടില്ല; തെറ്റായ കാര്യങ്ങളാണ് ഇത് സംബന്ധിച്ച് പ്രചരിക്കുന്നത്. പ്രതികള്‍ ആരാണ്, എന്താണ് സംഭവിച്ചത്, എന്താണ് കാട്ടിയത് എന്ന് മാധ്യമങ്ങള്‍ സത്യം അന്വേഷിക്കണം' എന്നിങ്ങനെ നസീര്‍ കാമറക്ക് മുമ്പാകെ വിളിച്ചുപറഞ്ഞു. കോഴിക്കോട് ഇരട്ട സ്‌ഫോടനക്കേസുമായി ബന്ധപ്പെട്ട് റിമാന്‍ഡ് നീട്ടുന്നതിനാണ് തടിയന്റവിട നസീറിനെയും ഷഫാസിനെയും എന്‍.ഐ.എ കോടതിയില്‍ ഹാജരാക്കിയത്.
No comments:
Post a Comment