23.11.12

മഅ്ദനി വിഷയത്തില്‍ മുഖ്യമന്ത്രിയുടെ മൗനം ലീഗിന്‍െറ സമ്മര്‍ദം കാരണം -പി.ഡി.പി

കണ്ണൂര്‍:  അബ്ദുന്നാസര്‍ മഅ്ദനിക്കുനേരെ ഇത്ര വലിയ മനുഷ്യാവകാശ ലംഘനങ്ങള്‍ നടന്നിട്ടും മുഖ്യമന്ത്രി ഉമ്മന്‍ചാണ്ടി മൗനം പാലിക്കുന്നത് ലീഗിന്‍െറ സമ്മര്‍ദം കാരണമാണെന്ന് പി.ഡി.പി സംസ്ഥാന ജനറല്‍ സെക്രട്ടറി നിസാര്‍ മത്തേര്‍ വാര്‍ത്താസമ്മേളനത്തില്‍ ആരോപിച്ചു.
മഅ്ദനി കേരളത്തിലെ പൗരനെന്ന നിലയില്‍ മാനുഷിക ഇടപെടല്‍ നടത്തുന്നതിനുപകരം മുഖ്യമന്ത്രി ലീഗിന് അടിമപ്പെടുന്നത് അപമാനകരമാണ്.  ഇ.ടി. മുഹമ്മദ് ബഷീറിനെപോലുള്ളവരുടെ ഒറ്റപ്പെട്ട ശബ്ദങ്ങള്‍ മഅ്ദനിക്കുവേണ്ടി ലീഗില്‍ ഉയരുന്നുണ്ട്.
മഅ്ദനിയെ ജയിലിലടക്കാന്‍ വേണ്ടി നടന്ന ഗൂഢാലോചനയെക്കുറിച്ച് പൂര്‍ണമായി അറിയാവുന്ന സി.പി.എം കേരള നേതൃത്വം ഇക്കാര്യത്തില്‍ അഭിപ്രായം പറയാത്തത് ഹൈന്ദവ വോട്ടുകള്‍ നഷ്ടപ്പെടുമെന്ന പേടികൊണ്ടാവാം.  
കാഴ്ച നഷ്ടപ്പെട്ട് നിരവധി രോഗങ്ങളാല്‍ കഷ്ടപ്പെടുന്ന മഅ്ദനിക്കെതിരെ കര്‍ണാടകയിലെ ബി.ജെ.പി സര്‍ക്കാര്‍ കള്ളക്കഥകളുണ്ടാക്കി  സത്യവാങ്മൂലം നല്‍കിയതിനാലാണ്  ജാമ്യം നിഷേധിക്കപ്പെട്ടത്. ജാമ്യവും ചികിത്സയും നല്‍കാതെ അദ്ദേഹത്തെ  ഇല്ലാതാക്കാനും അതുവഴി മുസ്ലിം യുവാക്കളില്‍ തീവ്രവികാരം ഇളക്കിവിട്ട് വര്‍ഗീയ കാര്‍ഡിറക്കി കേന്ദ്രത്തില്‍ അധികാരത്തില്‍ തിരിച്ചെത്താനുമുള്ള ബി.ജെ.പിയുടെ ശ്രമമാണിത്.
മനുഷ്യാവകാശം സംരക്ഷിക്കുക, ന്യൂനപക്ഷവേട്ട അവസാനിപ്പിക്കുക, മഅ്ദനിക്ക് നീതി നല്‍കുക എന്നീ മുദ്രാവാക്യങ്ങളുയര്‍ത്തി  മനുഷ്യാവകാശ ദിനമായ ഡിസംബര്‍ 10ന് മലപ്പുറം പുത്തനത്താണിയില്‍ മലബാര്‍ സംഗമം സംഘടിപ്പിക്കും. സമൂഹികനീതി, സമഗ്ര വികസനം, സമാധാന സമൂഹം എന്ന മുദ്രാവാക്യമുയര്‍ത്തി പി.ഡി.പി സംഘടിപ്പിക്കുന്ന പാഠശാല നവംബര്‍ 29ന്  തൃശൂര്‍ ടൗണ്‍ഹാളിലും നടക്കും.

 

ഇ. അഹമ്മദിന്‍െറ മൗനം പ്രതിഷേധാര്‍ഹം -പി.ഡി.പി

കൊല്ലം: ഗസ്സയില്‍ കുഞ്ഞുങ്ങളെ പോലും കൊന്നൊടുക്കുന്ന ഇസ്രായേല്‍ ഭീകരതക്കെതിരെ മൗനം പാലിക്കുന്ന കേന്ദ്രത്തിന്‍െറയും വിദേശകാര്യ സഹമന്ത്രി ഇ. അഹമ്മദിന്‍െറയും നിലപാട് പ്രതിഷേധാര്‍ഹമാണെന്ന് പി.ഡി.പി വര്‍ക്കിങ് ചെയര്‍മാന്‍ പൂന്തുറ സിറാജ്. കേന്ദ്രത്തിന്‍െറ നിസ്സംഗതയില്‍ പ്രതിഷേധിച്ച് അഹമ്മദ് മന്ത്രിസ്ഥാനം രാജിവെക്കണം. അല്ലാത്തപക്ഷം അഹമ്മദിന്‍െറ രാജിക്ക് ഹൈദരലി ശിഹാബ് തങ്ങള്‍ നിര്‍ദേശം നല്‍കണം. ഇസ്രായേലുമായുള്ള എല്ലാ ബന്ധവും ഇന്ത്യ അവസാനിപ്പിക്കണം.
മഅ്ദനിയുടെ ജയില്‍മോചനത്തില്‍ ഉമ്മന്‍ചാണ്ടി സര്‍ക്കാര്‍ ഇടപെടാത്തത് ലീഗിന്‍െറ സമ്മര്‍ദത്തിന് വഴങ്ങിയാണ്. ‘സാമൂഹിക നീതി, സമഗ്ര വികസനം, സമാധാന സമൂഹം’ എന്ന മുദ്രാവാക്യമുയര്‍ത്തി തൃശൂര്‍ ടൗണ്‍ഹാളില്‍ 29ന് സംസ്ഥാനതല പാഠശാല സംഘടിപ്പിക്കും. ന്യൂനപക്ഷ വേട്ട അവസാനിപ്പിക്കുക, മഅ്ദനിക്ക് നീതി ലഭ്യമാക്കുക എന്നീ ആവശ്യങ്ങള്‍ ഉന്നയിച്ച് മനുഷ്യാവകാശ ദിനമായ ഡിസംബര്‍ പത്തിന് മലപ്പുറത്തെ പുത്തനത്താണിയില്‍ മലബാര്‍ സംഗമം സംഘടിപ്പിക്കും. മഅ്ദനിക്ക് നീതി ലഭ്യമാക്കുന്നതില്‍ സംസ്ഥാന സര്‍ക്കാറിന്‍െറ നിസ്സംഗതക്കെതിരെ ശക്തമായ പ്രക്ഷോഭം ആരംഭിക്കും

18.11.12

പി. സി.എഫ് അബുദാബി കമ്മിറ്റി പുതിയ ഭാരവാഹികളെ തെരഞ്ഞെടുത്തു 
 
അബുദാബി : നാസര്‍ ചിരയിന്കീഴിന്റെ അധ്യക്ഷതയില്‍ കൂടിയ പി.സി.എഫ്. പ്രവര്‍ത്തക സംഗമം പുതിയ ഭാരവാഹികളെ തെരഞ്ഞെടുത്തു. ഭാരവാഹികളായി - മുഹമ്മദ്‌ സാഹിബ്‌ തിരുവനന്തപുരം (പ്രസിഡന്റ്‌) സിദ്ധീക്ക് തിരൂര്‍ (സെക്രട്ടറി) കരീം കാസര്ഗോഡ് (ട്രഷറര്‍) നാസര് ചിറയിന്‍കീഴ്‌ .(ഒരഗനൈസിംഗ് സെക്രട്ടറി) വൈസ് പ്രസിഡന്റ് മാര്‍ ,1,ശുകൂര്‍ തിരൂര്‍ 2,സലിം കണ്ണൂര്‍ 3,അലി കോട്ടക്കല്‍ 4, ഫൈസല്‍ കരിപ്പോള്‍ , ജോയിന്റ് സെക്രെട്ടറി മാര്‍ 1,ഷവ് ക്കത്തു 2, ഷെരീഫ് 3, ലത്തീഫ് കടവൂര്‍ 4, ഷമീര്‍ അത്താണി പ്പടി .
..............................................................
യു , എ , ഇ . സെന്‍ട്രല്‍ കമ്മിറ്റി യിലേക്ക് തെരെഞ്ഞെടുത്തവര്‍ .
1, ഇല്യാസ് തലശ്ശേരി 2, നാസ്സര്‍ ചിറയിന്‍കീഴ്‌ 3, ആഷിക് പടന്ന


പ്രവര്‍ത്തക സംഗമം ഇല്യാസ് തലശ്ശേരി ഉത്ഘാടനം ചെയ്തു 



പി ഡി പി വേങ്ങര മണ്ഡലം കമ്മറ്റി
 
പുനസംഘടിപ്പിച്ചു
 
 
 വേങ്ങര പി ഡി പി മണ്ഡലം കമ്മറ്റി പുനസംഘടിപ്പിച്ചു പ്രസിരണ്ട് അയ്യപ്പന്‍ എ ആര്‍ നഗര്‍ , സെക്രട്ടറി നസീര്‍ പറപ്പൂര്‍ ,ട്രഷറര്‍ ഫൈസല്‍ ഒതുക്കുങ്ങല്‍ ,വൈസ് പ്രസിരണ്ട് മുനീര്‍ വേങ്ങര ,ജോയിന്‍ സെക്രട്ടറി നസീര്‍ കച്ചേരിപ്പടി , ജില്ലാകൌന്‍സില്‍അംഗങ്ങള്‍ ചേക്കുപാലാനി,ത്വാഹ പറപ്പൂര്‍ ,സംസ്ഥാന കൌണ്‍സില്‍ അംഗങ്ങള്‍ അഷ്‌റഫ്‌ ഊരഗം,ശിഹാബ് വി കെ പടി ,എന്നിവരെ തിരഞ്ഞെടുത്തു